🙏🙏🙏ဝိပဿနာတရား အားထုတ်လိုသူတို့အတွက် အခြေခံ အပိုင်း(၃) 🙏🙏🙏
သံသရာမှလွတ်ရာလွတ်ကြောင်း အကျင့်ကောင်းတွေကို မြတ်စွာဘုရားရှင်သည် သူတော်ကောင်းတရားတည်ရှိရာ အဆုံးအမတည်းဟူသော သာသနာတော်၌ (၄၅)ဝါကာလပတ်လုံး ဟောကြားတော်မူခဲ့၏။
သတ္တဝါတို့၏ အလိုအဇ္ဈာသယနှင့် လိုက်လျောညီထွေဖြစ်စေမည့် ဒေသနာတော်များကို ဟောကြားတော်မူခဲ့သည်မှာ ပိဋကတ်ဒေသနာ အသီးသီး၌ ထင်ရှားရှိပေ၏။
ပဋ္ဌာန်းဒေသနာတော်၌ ကုသိုလ်စိတ် အကုသိုလ်စိတ်တွေကို ဝိပဿနာရှုရန် ညွန်ကြားခဲ့၏။သုတ္တာန် အဘိဓမ္မာ ဒေသနာတော်များသည် တရားကျင့်ကြံနှလုံးသွင်းပုံနှင့် သမုတိသစ္စာအမြင်များကွယ်ပျောက်စေကာ ပရမတ္ထသစ္စာအမြင်များ ဉာဏ်ပညာတွင် ထင်မြင်လျှက် နိဗ္ဗာန်ကို မဂ်စိတ်ဖြင့် အာရုံပြုပြီး ကိလေသာအားလုံးကို ပယ်သတ်ခုတ်ဖြတ်နိုင်ရန် ဟောကြားတော်မူသော ဒေသနာချည်းသာ ဖြစ်၏။ထို့ကြောင့် ဓာတ်ခြောက်ပါးကို အကျဉ်းသဘောမျှ နားလည်နိုင်စေရန် ဖော်ပြလိုပေသည်။
(ဆောင်) ခက်မာ,ယိုစေး၊ ပူအေး,ထောက်ကန်၊ ရုပ်မှန်ပိုင်းဖြတ် ၊ အာရုံဓာတ်ကို ၊ တပ်အပ်မြင်သိ၊ဤသတ္တိ၊ မှတ်ဘိလက္ခဏာ။
ဟူသော မင်းကွန်း ပဌမ ဓမ္မနာဒ ဆရာတော်၏ လင်္ကာကိုသာ ဦးစွာဖော်ပြလိုပါ၏။
ဓာတ်သဘာဝဖြင့် လောကကြီးတစ်ခုလုံးကို ကြည့်လျှင် ဓာတ်ခြောက်ပါးသာ ရှိကြောင်း သိမြင်နိုင်ပါ၏။
၁။ပထဝီဓာတ်၊ (မြေ ဓာတ်)
၂။အာပေါ ၊ (ရေ ဓာတ်)
၃။တေဇော ၊ (မီး ဓာတ်)
၎။ဝါယော ၊ (လေ ဓာတ်)
၅။အာကာသ ၊ ( ကောင်းကင် ဓာတ်)
၆။ဝိညာဏဓာတ် ၊(အသိ ဓာတ်)
ဟူ၍ အကျဉ်းမျှသာ ဖော်ပြလိုပါ၏။
၁။ပထဝီ မြေဓာတ်ဟူသည် အကြမ်း အနု ခက်မာမှု သဘာဝများရှိ၏။ မာ,ပျော့,ကြမ်း,ချော,လေး,ပေါ့,ပထဝီဟူ၍ အတိုကောက်မှတ်နိုင်၏။မြေ ဓာတ်၏ သဘောသဘာဝသတ္တိသည် မာတဲ့သဘော ပျော့တဲ့သဘော ကြမ်းတမ်းတဲ့သဘော လေးတဲ့သဘော ပေါ့တဲ့သဘော သဘာဝသတ္တိများရှိ၏။
၂။အာပေါ ရေဓာတ်၏ သဘာဝသည် ယိုစေးမှု ဖွဲ့စည်းမှု သဘောသဘာဝများရှိ၏။အစေးဓာတ်သဘာဝပင်ဖြစ်၏။
၃။တေဇော မီးဓာတ်သည် ပူမှု အေးမှု သဘောသဘာဝသတ္တိရှိ၏။ ရက်ချန်ဖျားခြင်း ဆံဖြူသွားကျိုးဖြစ်အောင် ရင့်ရော်ဆွေးမြေ့စေခြင်း အပူလောင်ခြင်း ဝမ်း၌ အစာအာဟာရကို ကျေကျက်စေခြင်းတို့သည် တေဇော မီးဓာတ်၏ သဘောသတ္တိစွမ်းအင်များပင်ဖြစ်၏။
၎။ဝါယော လေဓာတ်ဟူသည် လှုပ်ရှားခြင်း ထောက်ကန်ခြင်း ရွေ့စေခြင်း အစွမ်းသတ္တိရှိ၏။မိမိတို့ကိုယ်တွင်း၌ အပေါ်သို့လေအန်ခြင်း၊အောက်သို့လေစုန်ခြင်း ၊ဝမ်းဗိုက် အူမအူသိမ် အင်္ဂါခြေလက်ကြီးငယ်နှင့် ထွက်သက်ဝင်သက်တို့၌ တည်ရှိနေသောလေဟု လေ၏ အစွမ်းသတ္တိအမျိုးမျိုးရှိပုံကို နားလည်နိုင်ပါ၏။
၅။အာကာသ ကောင်းကင်ဓာတ်ဟူသည် ရုပ်နှစ်ဆယ့်ရှစ်ပါးတွင် ပရိစ္ဆေဒရုပ်ဟုခေါ်၏။မြေ ရေ လေ မီးဟူသော ဓာတ်ကြီးလေးပါးနှင့် အခြားသော ဥပါဒါရုပ်များကို သဘောသဘာဝခြင်း မတူညီအောင် မရောယှက်နိုင်အောင် ပိုင်းခြားကန့်သတ်ပေးနိုင်သော အစွမ်းသတ္တိရှိ၏။
၆။ဝိညာဏ အသိဓာတ်ဟူသည် အာရုံခြောက်ပါးကို အစိုးတရသိသော စိတ်ပင်ဖြစ်၏။စိတ်ဖြင့်ကြံဆ၍ သိရသော အာရုံခြောက်ပါးကို အစိုးတရသိ၏။ကုသိုလ် အကုသိုလ်ဖြစ်သောစိတ်သည် ဝိညာဏ အသိဓာတ်ပင်ဖြစ်ကြောင်း သတိပြုအပ်၏။ချမ်းသာ ဆင်းရဲခံစားမှုကို သိသော အသိသည်လည်း ဝိဉာဏ ဓာတ်ပင်ဖြစ်၏။
၎င်းဓာတ်ခြောက်ပါးကို ဝိပဿရှုဆင်ခြင်ရမည်ဖြစ်ကြောင်း ပက္ကုသာတိမထေရ်ကို မဇ္ဈိမနိကာယ် ဥပရိပဏ္ဏာသ ဓာတုဝိဘင်္ဂသုတ်တွင် အကျယ်တဝင့် ဟောပြတော်မူခဲ့၏။ဤနေရာ၌ ၎င်းဓာတ်ခြောက်ပါးကို လက္ခဏာသုံးတန်ဖြင့်သော်၎င်း တော(၁၁)တောဖြင့်သော်၎င်း မိမိတို့ဉာဏ်ထဲ သက်ဝင်သလို ဆင်ခြင်သုံးသပ်နိုင်ပေသည်။
🌻🌻🌻ဓာတုဝိဘင်္ဂသုတ်နှင့် ဝိသုဒ္ဓိမဂ် ဒုတိယတွဲ၌လာသော ဆင်ခြင်နည်းများ🌻🌻🌻
(ကျက်ရန်)
နသတ္တော သတ္တဝါမဟုတ်
နဇီဝေါ အသက်မဟုတ်
နနရော လူမဟုတ်
နမာဏဝေါ လုလင်မဟုတ်
နဣတ္ထီ အမျိုးသမီးမဟုတ်
နပုရိသော အမျိုးသားမဟုတ်
နအတ္တာ ကိုယ်ကောင်မဟုတ်
နအတ္တနိယံ ကိုယ်ကောင်၏ ဥစ္စာမဟုတ်
နာဟံ ငါမဟုတ်
နမမ. ငါ၏ ဥစ္စာမဟုတ်
နကောစိ တစ်စုံတစ်ယောက်မဟုတ်
နကဿစိ တစ်စုံတစ်ယောက်၏ ဥစ္စာမဟုတ်
၎င်း(၁၂)မျိုးဖြင့် ဆင်ခြင်၍လည်း ဝိပဿနာရှုနိုင်ပါသည်။
( ဝိသုဒ္ဓိမဂ်-၂ ၊နှာ-၂၉၃၊ပိုဒ်-၇၆၄)
ထိုဓာတ်သဘာဝတို့သည် မိမိတို့၏ သန္တာန်မှာသော်၎င်း သူတစ်ပါးသန္တာန်မှာသော်၎င်း ပြင်ပလောက ဗဟိဒ္ဓမှာသော်၎င်း ဖြစ်ပေါ်နေကြ ဓာတ်သဘာဝများပင်ဖြစ်၏။ မြေ ရေ လေ မီး ဓာတ်ကြီးလေးပါး၏ သဘာဝများ မိမိတို့သန္တာန်မှာဖြစ်ပေါ်သည်ကို ခွဲခြမ်းစိတ်ဖြာလျှက် ဆင်ခြင်သုံးသပ်မှုသည် စတုဓာတုဝဝတ္ထာန်ကမ္မဋ္ဌာန်း နှလုံးသွင်းဆင်ခြင်ခြင်းပင်ဖြစ်၏။ဓာတ်လေးပါးကို ပိုင်းခြားဝေဖန်သော ကမ္မဋ္ဌာန်းဟု မြန်မာလို နားလည်နိုင်ပါ၏။ရုပ်ဝတ္ထုဒြပ်တစ်ခုစီတိုင်း၌ မြေ ရေ လေ မီး ဓာတ်ကြီးလေးပါးနှင့် အဆင်း အနံ့ အရသာ သြဇာဓာတ်ဟူသော ရုပ်ဓာတ်ရှစ်ပါးဖြစ်ကြောင်း သတိပြုသင့်၏။မြေ ရေ လေ မီး အဆင်း အနံ့ အရသာ သြဇာဓာတ်ဟူသော ၎င်းရုပ်ဓာတ် ရှစ်ပါးသည် အရာဝတ္ထု တစ်ခုစီတိုင်း၌ တစ်ပြားမှ မလျော့ပါးကြောင်း သတိပြုသင့်၏။
ဥပမာအားဖြင့်ပြောရလျှင် အကျွန်ုပ်တို့သန္တာန်၌ရှိသော ဆံပင်တစ်မျှင်သည်ပင် ၎င်းရုပ်ဓာတ် ရှစ်ပါးရှိ၏။ထိုဆံပင်သည် မာပျော့ကြမ်းချောလေးပေါ့ဟူသော မြေဓာတ် သဘာဝရှိသလို တစ်ကွဲတစ်ပြားစီမဖြစ်အောင် စုစည်းပေးထားသော အစေးဓာတ်သဘာဝ ရေဓာတ်နှင့် ပူအေး မီးဓာတ်သဘာဝ တောင့်တောင့်တင်းတင်း လုံးလုံးဝန်းဝန်းဖြစ်အောင် ထောက်ကန် ပံ့ပိုးပေးထားသော လေဓာတ်သဘာဝတို့ဖြစ်ကြ၏။ထိုဓာတ်ကြီးလေးပါးကို အမှီပြုပြီး အဆင်း အနံ့ အရသာ သြဇာဓာတ်ဟူသော ဥပါဒါရုပ်လေးပါးလည်း အတူတကွဖြစ်ကြ၏။
ကွန်မန့်၌ဆက်၍ကြည့်ရှုရန်
